Rossiya mudofaa vaziri Sergey Shoygu hukumatning yangi tarkibi tasdiqlangandan so‘ng o‘z lavozimini tark etadi. Mudofaa vazirligi rahbari lavozimiga prezident Vladimir Putin bosh vazirning sobiq o‘rinbosari Andrey Belousovni tayinlashni taklif qilgan.

Mudofaa vaziri nomzodi Sovfedda ko‘rib chiqish yakunlari bo‘yicha tasdiqlanadi, maslahatlashuvlar 13-may kuni qo‘mitalar majlislarida va 14-may kuni Federatsiya Kengashi majlisida bo‘lib o‘tadi.

Shuningdek, Putin Sergey Lavrovni tashqi ishlar vaziri (TIV) lavozimiga tayinlashni taklif qilgani ma’lum bo‘ldi.

11-may kuni 2024-yil 7-mayga qadar Rossiya bosh vazirining birinchi o‘rinbosari lavozimini egallagan Andrey Belousov hukumatni tark etib, yangi ish joyiga o‘tishi haqida xabar berilgan edi. Uning lavozimiga sanoat va savdo vazirligi rahbari Denis Manturov taklif etilgan.

• Mudofaa vazirli
• Putin
• Rossiya
• Sergey Shoygu