Rossiyaning “Soyuz-ST-B” raketa tashuvchisi ikkita “Galileo” yoʻldoshi bilan birga Fransiyadagi Kuru kosmodromidan orbita tomon parvoz qildi.

Yoʻldoshlar parvozga start berilganidan keyin oradan 3 soat-u 52 daqiqa oʻtib Yer orbitasiga, 39 ming kilometr balandlikka chiqib olgan. Raketadagi foydali yukning umumiy ogʻirligi 1645 kilogrammni tashkil qilgan.

Qiymati 10 milliard yevroga teng boʻlgan “Galileo” yoʻldoshli navigatsion tizimi 2,5 milliarddan ortiq foydalanuvchiga navigatsiya, joylashuv hamda vaqtni aniqlash xizmatlarini koʻrsatadi.

“Galileo“ yoʻldoshlari Yevropa kosmik agentligi buyurtmasiga binoan ”EADS Astrium” kompaniyasi tomonidan ishlab chiqarilgan. Ayni vaqtda Yer orbitasida bu turdagi yoʻldoshlardan 22 tasi ishlab turibdi.

• Koinot
• qiziqarli
• texnologiya