“Belgorod viloyatida avtohalokatda ikki kishi halok bo‘ldi, dastlabki ma’lumotlarga ko‘ra, yana olti kishi jarohat olgan”, deya xabar bermoqda TASS.

“Avtobus haydovchisi va yo‘lovchilaridan biri voqea joyida olgan jarohatlar sabab vafot etdi. Tibbiy tekshiruvlar uchun yana oltita yo‘lovchi shifoxonaga olib kelingan”, – deyiladi xabarda.

Mintaqaviy Davlat yo‘l harakati inspeksiyasi matbuot xizmati ma’lumotlariga ko‘ra, ishchilarni tashiydigan Mercedes-Benz Sprinter avtobusi va yuk mashinasi ishtirokidagi baxtsiz hodisa mahalliy vaqt bilan soat 07:15 atrofida Belgorod M-4 “Don” federal avtomobil yo‘lining 153-kilometrida sodir bo‘lgan.

Dastlabki ma’lumotlarga ko‘ra, hodisa haydovchilarning boshqaruvni yo‘qotishi oqibatida yuz bergan. Natijada avtobus daraxtga borib urilgan, yuk mashinasi esa yo‘l chetiga ag‘darilgan.

• Avtobus
• Avtohalokat
• Belgorod
• Rossiya
• yuk mashinasi