Rossiya Fanlar akademiyasining Kabardin-Balkar markazi olimlari Rossiya gvardiyasi uchun "toshbaqa" robotining patentini ro‘yxatdan o‘tkazdi.

U elektroshoker, to‘r otish moslamalari va tez qotib qoladigan ko‘pik bilan qurollangan bo‘ladi. Shuningdek, u videokuzatuv va yuzni tanish tizimi bilan jihozlanadi. Robot soatiga 50-60 kilometr tezlikda harakatlana oladi.

Robot ixtirochilari g‘oyasi bo‘yicha, robot guruh bo‘lib yoki yakka holda miting o‘tkazayotgan odamlar oldiga boradi va megafon orqali noqonuniy harakatlarni bas qilishni hamda tarqalishni so‘raydi. Bo‘ysunmaslik hamda qochishga urinish holatlarida robot qochoqni ortidan yetib oladi va to‘r yoki tez qotuvchan ko‘pik otib tutadi.

• Rossiya
• texnologiya