Afrikada havo haroratining keskin sovib ketishi natijasida Sahroi Kabirga qor yogʻdi. Bu holat Aljirga qarashli boʻlgan va choʻl hududida joylashgan Ayn-Sefra shahrida kuzatilgan. Tunda hududdagi havo harorati -2 gradusni tashkil qilgan.

Bunday noyob hodisa soʻnggi 42 yillik vaqt ichida toʻrtinchi bor kuzatilmoqda. Sahroi Kabirga 1979, 2016, 2018 va 2021-yillarda qor yogʻgan.

Shimoliy Afrikaning katta qismini egallab olgan Sahroi Kabirda qor yogʻishi – kamdan-kam kuzatiladigan holat.

Ayn-Sefra shahri mahalliy odamlar orasida “Sahro darvozasi” deb ataladi, u dengiz sathidan 1000 metr balandlikda joylashgan boʻlib, Atlas togʻlari bilan qurshalgan. Yanvar oyida bu yerdagi oʻrtacha havo harorati 14 gradus Selsiyni tashkil qiladi.

• qiziqarli
• sayohat