Samsung o‘zining Galaxy smartfonlarida Google qidiruv tizimidan voz kechishi mumkin. Kompaniya uning o‘rniga Microsoft’ning Bing qidiruv tizimini joriy qilmoqchi.

NYT maʼlumotlariga koʻra, Google xodimlari Janubiy Koreya kompaniyasi boshqa hamkor qidirayotganidan hayratda qolgan. Yaqin vaqtgacha Bing qidiruv tizimi raqobatbardosh emas edi, lekin unga sun’iy intellekt va foydalanuvchilar bilan muloqot qila oladigan chat boti qo‘shilgach, hamma narsa o‘zgardi.

Barcha Galaxy smartfonlarida Google qidiruvi o‘rnatilishini kafolatlaydigan smartfon ishlab chiqaruvchisi bilan tuzilgan ushbu shartnoma Google’ga har yili 3 milliard dollar olib kelardi. 

Raqobatchilar tahdidi Google kompaniyasini eng yangi texnologiyalar asosida yangi qidiruv xizmati yaratishga majbur qildi. Bundan tashqari, joriy qidiruv ham sun’iy intellekt funktsiyalari asosida yangilanadi, deb xabar beradi NYT.

• Google
• Samsung
• qiziqarli