Kecha Andalusiya klubi o‘z maydonida “Borussiya Dortmund”ga yutqazdi.

Xulen Lopetegi "Sevilya" bosh murabbiyi lavozimidan ozod etildi

56 yoshli mutaxassisni istefoga chiqarish qarori Chempionlar ligasi guruh bosqichi doirasidagi “Borussiya”dan uchralgan mag‘lubiyatdan so‘ng (1:4) qabul qilingan.

Ayni damda Andalusiya klubi Ispaniya chempionati jadvalida 17-o‘rinni egallab turibdi. Yetti uchrashuvda jamoa bitta g‘alabaga erishdi.

Chempionlar ligasida “Sevilya” “Borussiya”ga yutqazishdan tashqari, “Manchester Siti”ga ham imkoniyatni boy berdi (0:4).

Lopetegi “Sevilya”ni 2019-yilning iyunidan beri boshqarib kelmoqda.

O‘tgan mavsumda La Ligada jamoa “Atletiko”ga bir ochko, “Barselona”ga ikki ochko yo‘qotib, turnir jadvalida to‘rtinchi o‘rinni egalladi.

Xorxe Sampaoli "Sevilya"ning yangi bosh murabbiyi etib tayinlandi.

• Futbol
• Seviliya