Kommersantning yozishicha, Sochida (Rossiya) sintetik giyohvand moddalar savdosiga urinishda ayblangan O‘zbekiston fuqarosiga nisbatan hukm chiqarilgan.

Ma’lumotlarga ko‘ra, o‘zbekistonlik shaxs giyohvand moddalar tarmog‘ida kuryer bo‘lib ishlagan. U giyohvand moddalarni qabul qilib, ularni qadoqlab, keyinchalik sotish uchun yashirin omborlarga joylashtirgan.

“Biroq, u o‘zining jinoiy faoliyatini yakunlay olmadi: uning faoliyati huquq-tartibot idoralari xodimlari tomonidan to‘xtatildi”, – deyiladi xabarda.

Fuqaro bir guruh shaxslar tomonidan oldindan til biriktirib, katta miqdorda sintetik giyohvandlik vositalarini sotishga suiqasd qilish moddasida nazarda tutilgan beshta jinoyatni sodir etganlikda aybdor deb topilgan.

Unga nisbatan 7 yil muddatga ozodlikdan mahrum qilish jazosi qat’iy tartibli koloniyada o‘tashga hukm qilingani ma’lum qilingan.

• Giyohvandlik
• Rossiya