“Союз-2.1a” raketa tashuvchisi “Progress MS-18” yuk kemasi bilan birga Xalqaro kosmik stansiya tomon yoʻl oldi. Kema Qozogʻiston hududidagi Boyqoʻngʻir kosmodromidan uchirilgan.

Kosmik kema XKSga 30-oktyabr kuni yetib boradi. U stansiyadagi astronavtlarga 470 kg yoqilgʻi, 420 litr ichimlik suvi, 40 kg havo va kislorod, 1509 kg asbob-uskunalar, tibbiy va gigiyenik vositalar, kiyim-kechak yetkazib beradi.

Rasmiy vakillarning maʼlum qilishlaricha, yuk kemasi bortiga odatiy oziq-ovqat mahsulotlaridan tashqari yangi yil dasturxoni uchun yeguliklar, olma, greypfut va apelsin ortilgan.

Kema bortida kosmonavtlar uchun ularning farzandlari tomonidan chizilgan suratlar va oila aʼzolari yuborgan sovgʻalar ham bor.

• Koinot
• qiziqarli