Shanba kuni Amerikaning SpaceX kompaniyasi Falcon 9 raketasini uchirdi, u orbitaga 52 ta Starlink mikrosun’iy yo‘ldoshini olib chiqdi, deb yozadi “TASS” SpaceX’ga tayanib.

“52 ta sun’iy yo‘ldoshning joylashtirilishi tasdiqlandi”, — deyiladi kompaniya xabarida.

SpaceX shuningdek, raketaning birinchi bosqichi Atlantika okeaniga suzuvchi platformada qo‘nganini ma’lum qildi.

Starlink tarmog'i ko'p sonli mikrosatellitlar orqali Internetga kirishni ta'minlash uchun mo'ljallangan. 2019-yildan beri SpaceX orbitaga 2500 dan ortiq Starlink sun’iy yo‘ldoshlarini chiqardi.

Avvalroq Starlink internet tarmog‘i o‘z qamrovi bilan Yerning barcha qit’alarini qamrab olgani xabar qilingandi.

• Koinot
• qiziqarli