Sport mashgʻulotlari bilan shugʻullanish saraton kasalliklaridan vafot etish xavfini 50 foizga kamaytiradi, shuningdek, saratonga qarshi kurashayotgan insonlarda davolash muolajalari samaradorligini oshiradi.

Nyu-York universiteti qoshidagi Grossman tibbiyot maktabi olimlari oshqozon osti bezi saratoniga chalingan insonlarning salomatligiga oid maʼlumotlarni tekshirib chiqishgan. Koʻngillilar tadqiqotchilar tomonidan ikki guruhga boʻlingan. Ularning bir qismi tanadagi xavfli shishni olib tashlash operatsiyasidan avval haftada 1 soat kardio va yarim soatdan aerobika mashqlarini bajargan. Sport mashgʻulotlari 6 hafta davom etgan. Aynan mana shu guruh vakillarida saratonga qarshi muolajalar samaradorligi 50 foizga oshgan.

Shu tariqa tadqiqot mualliflari jismoniy mashqlar saratonga qarshi dori vositalarining taʼsirini kuchaytirib, ushbu kasallikdan vafot etish xavfini 50 foizga kamaytiradi degan xulosaga kelishgan.

• Foydali
• salomatlik
• tadqiqot