Sobiq juftlik Jonni Depp va Amber Xerd o‘rtasidagi sud jarayoni kinoaktyorning karyerasiga ham ta’sir ko‘rsatdi. Ko‘pgina brendlar Jonni Depp bilan hamkorlikni bekor qilishni boshladi.

Biroq, suddagi g‘alaba so‘ng, Depp fransuz “Dior” moda uyi bilan hamkorlikni qayta yo‘lga qo‘yishga muvaffaq bo‘ldi. Bir necha million dollarlik shartnomaga ko‘ra, aktyor bir yil davomida “Sauvage” erkaklar parfyumining yuziga aylanadi.

Jonni Depp brend bilan birinchi marta 2015-yilda ishlay boshlagan. Biroq ko‘p yillik sud jarayonlari davomida kompaniya aktyor bilan hamkorlik faoliyatini to‘xtatgan.

Ma‘lumotlarga ko‘ra, Depp allaqachon fotosessiyada ishtirok etgan va olingan kadrlar brendning yangi taqdimotida qo‘llaniladi.

• Kino
• aktyor
• qiziqarli