Amerikaning Meta Platforms korporatsiyasi rahbari Mark Sukerberg 2023-yil boshidan buyon o‘z boyligini rekord darajada – 44,3 milliard dollarga oshirdi. Bu dunyodagi eng boy odamlar orasida eng yuqori ko‘rsatkich hisoblanadi.

Bloomberg Billionaires Index ma’lumotlariga ko‘ra, tadbirkorning boyligi hozirda 89,9 milliard dollarga baholanmoqda (umumiy reytingda 12-o‘rin). Shu bilan birga, Sukerberg joriy yil boshidan buyon boylik o‘sishi bo‘yicha milliarderlar orasida birinchi o‘rinni egallab turibdi. Undan so‘ng Louis Vuitton Moet Hennessy kompaniyasi prezidenti Bernar Arno va Tesla va SpaceX asoschisi hamda Twitter egasi Ilon Mask bormoqda.

Jurnalistlarning fikricha, Mark Sukerberg metaversga (maxsus virtual makon) pul tikdi va bu segmentda hukmronlik qilish uchun qancha kerak bo‘lsa, shuncha pul sarflashga intildi. Bundan tashqari, tadbirkorning boyligi 100 milliard dollardan ko‘proqqa qisqardi, u bir necha yil avval dunyodagi uchinchi eng boy odam hisoblanardi.

Fevral oyi boshida Mark Sukerberg kompaniyasidagi ommaviy ishdan bo‘shatishlar ortidan bir kun ichida 12 milliard dollarga boyidi. Jurnalistlarning yozishicha, Meta aksiyalarining rentabelligi o‘tgan yilgi sezilarli pasayishdan so‘ng 2023-yilda 50 foizdan ko‘proqqa oshgan.

• Meta
• Sukerberg
• milliarderlar