31°
Kechasi 18°
Toshkent shahri va viloyatida joylashgan ikkita omborxonada qiymati 2 milliard so‘mga yaqin yaroqlilik muddati o‘tgan va kontrafakt reagentlar aniqlandi. Bu haqda DXX matbuot xizmati xabar berdi.
DXXning Toshkent shahar bo‘yicha boshqarmasi hamda Iqtisodiy jinoyatlarga qarshi kurashish departamenti hamkorligida o‘tkazilgan tezkor tadbirda poytaxtda faoliyat yurituvchi, tibbiy reagentlar savdosi bilan shug‘ullanuvchi MChJ rahbari yaroqlilik muddati o‘tgan, qiymati 32 million so‘mlik laboratoriya tekshiruvi uchun mo‘ljallangan 20 dona reagentlarni 16 million so‘mga sotgan vaqtida ashyoviy dalillar bilan ushlangan.
Toshkent shahri va viloyatida joylashgan unga tegishli ikkita omborxona “Farmatsevtika mahsulotlari xavfsizlik markazi” davlat muassasasi xodimlarini jalb qilgan holda ko‘zdan kechirilganda, ularda umumiy qiymati 2 milliard so‘mga yaqin bo‘lgan, 216 turdagi 1414 quti yaroqlilik muddati o‘tgan hamda xorijdan olib kelingan va tegishli tartibda ro‘yxatdan o‘tkazilmagan 28 turdagi 322 quti (kontrafakt) mahsulotlar borligi aniqlangan.
Xabarga ko‘ra, sifatsiz reagentlarning ishlatilishi bemorlarga noto‘g‘ri tashxis qo‘yish orqali muolaja qilish bilan bog‘liq salbiy oqibatlarni keltirib chiqaradi. Hozirda tibbiy vositalar bo‘yicha tegishli tartibda ekspertiza tayinlanib, tergovga qadar tekshiruv ishlari olib borilmoqda.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
