Tabassum bizning his-tuyg‘ularimizni ko‘rsatish va yashirishning universal vositasidir. Shu bilan birga xushxabarga tabassum bilan javob berishimiz yoki qayg‘ularimizni uning orqasiga yashirishimiz mumkin. 20-asrda amerikalik psixolog Pol Ekman tabassumning 50 dan ortiq turlarini aniqlagan.

Sof tabassum yuzning deyarli barcha mushaklarini ishlatib yuboradi. Haqiqiy tabassum vaqtida ko‘z osti qovoqlari sezilarli darajada shishadi.
Ikkinchidan, suhbatdoshingizning samimiy tabassumi vaqtida lablar keng yoyilib, tishlar yaqqol ko‘rinib turadi.

Soxta tabassumni iljayish yoki jilmayib qo‘yish, deyish mumkin. Bunday tabassum egalari: sotuvchilar, ma’murlar, styuardessalar. Ular shunchaki tabassum bilan lablarini cho‘zadilar, xushmuomalalikni ifodalash uchun tishlarini biroz ko‘rsatadilar ammo samimiyat bo‘lmaydi.

Tadqiqotchilar, inson tabiatida yolg‘on gapirganda tabassum qilish odati borligini aytishadi. U buni bir necha sabablarga ko‘ra qiladi: yaxshi muhitni saqlab turish, taranglikni bartaraf etish. Bundan tashqari, biz tabassum bilan haqiqiy his-tuyg‘ularimizni qulay yashiramiz.

• qiziqarli