Telegram messenjeri noodatiy stikerlar, 4 GB gacha fayl yuklash va reklamalarni o‘chirish kabi imkoniyatlarga ega bo‘lgan pullik Premium obunasini ishga tushirdi.

Telegram jamoasi boshqa yangiliklar qatorida ovozli xabarlarni yozuvli shaklga o‘tkazish, doimo yonib turuvchi video avatarlar, maxsus obunachi nishoni va ilovalar uchun yangi piktogrammalarni alohida taʼkidlamoqda.

Narxi oyiga 5 AQSh dollari bo‘ladi.

Pullik obunaga ulangan foydalanuvchilar quyidagi imkoniyatlarga ega bo‘lishi mumkin:

• 4 GBgacha bo‘lgan fayllarni yuklab olish;
• media va hujjatlarni maksimal tezlikda yuklash;
• mingta kanalga obuna bo‘lish;
• ovozli xabarlarni matnga aylantirish;
• obunachilar soni ko‘p bo‘lgan ommaviy kanallarda reklamani o‘chirish;
• noyob stikerlar va reaksiyalarni yuborish;
• premium stikerlar;
• dialoglarning kengaytirilgan boshqaruvi;
• profil belgisi;
• animatsion avatarlar.

• Durov
• Obuna
• Telegram
• Yangilik
• qiziqarli
• texnologiya