Toshkent viloyati hokimi Zoir Mirzayevning tegishli farmoyishi bilan sobiq hokim Davron Hidoyatovning Nurafshon shahrida Zulfiya Zokirova haykalini o‘rnatish haqidagi farmoyishi bekor qilindi.

Yangi farmoyishga ko‘ra, viloyat mahalliy byudjetining 2021-yil III chorak yakuni bilan shakllangan daromadlar rejasining orttirib bajarilgan qismi hisobidan, viloyat hokimining 2021-yil noyabr oyidagi farmoyishiga muvofiq ajratilgan 34,4 mlrd. so‘m (shundan 28,4 mlrd. so‘mi Zulfiya Zokirovaning haykali uchun ajratilgan edi) mablag‘ viloyat mahalliy byudjetiga tiklangan holda — viloyatdagi nogironligi bo‘lgan, kam ta’minlangan, ijtimoiy himoyaga muhtoj fuqarolarning uy-joylarini ta’mirlash uchun viloyat “Saxovat va ko‘mak” jamg‘armasiga o‘tkazib berish maqsadida viloyat hokimligiga 1,65 mlrd. so‘m mablag‘ ajratildi.

Zoir Mirzayevning mazkur farmoyishi bilan sobiq hokim Davron Hidoyatovning joriy yil 3-noyabrdagi “Nurafshon shahrida Zulfiya Zakirova nomiga haykal majmuasini qurish va atrofini obodonlashtirish hamda “Nurafshon Business City” hududida zamonaviy kutubxona binosining qurilishi to‘g‘risida”gi farmoyishi o‘z kuchini yo‘qotgan deb topildi.

• Hidoyatov
• Mirzayev
• Toshkent