Avvalroq, Toshkent viloyatidagi bir necha maktabgacha ta’lim muassasalarida bolalar salomatligi bilan bog‘liq noxush holat yuz bergan edi.

Qayd etilishicha, barcha bolalar sog‘ayib, ularning salomatligida xavf yo‘qligi to‘liq tasdiqlangan. Davolash jarayonlari shifokorlar nazoratida samarali tashkil etilgan va bolalar o‘z oilalari bag‘riga qaytgan.

Maktabgacha ta’lim va maktab ta’limi vazirligi mazkur holatni bartaraf etish ishlarini Sog‘liqni saqlash vazirligi hamda Sanitariya-epidemiologik osoyishtalik qo‘mitasi bilan yaqin hamkorlikda amalga oshirgan.

2-oktyabrdan boshlab barcha maktabgacha ta’lim muassasalari o‘z faoliyatini odatiy ish rejimida davom ettirishi aytildi.

“Amaldagi qonunchilikka muvofiq, ayrim bog‘chalarimizda umumiy ovqatlanish xizmatlari xususiy korxonalar tomonidan autsorsing tizimi orqali yo‘lga qo‘yilgan. Shartnomalarda sanitariya talablari va me’yorlariga qat’iy rioya qilish belgilangan.

Shu bilan birga, Vazirlik o‘z mas’uliyatini chuqur his qiladi va nazorat mexanizmlarini yanada kuchaytiradi.

Huquqni muhofaza qiluvchi idoralar va Sog‘liqni saqlash vazirligi bilan hamkorlikda voqea tafsilotlari har tomonlama o‘rganilmoqda. Kamchiliklar aniqlansa, tegishli shartnomalar qayta ko‘rib chiqiladi yoki bekor qilinadi.

Vazirlik Prokuratura idoralari, Iqtisodiyot va moliya hamda Sog‘liqni saqlash vazirliklari bilan hamkorlikda barcha zarur choralarni amalga oshiradi” – deyiladi vazirlik xabarida.

• Bolalar bog‘chasi