31°
Kechasi 18°
Ijtimoiy sharoiti og‘ir ayollarni aldab Turkiyaga sotib yubormoqchi bo‘lgan uch kishi qo‘lga olindi. Bu haqda Ichki ishlar vazirligi xabar qildi.
Ma’lum qilinishicha, 1997, 1998 va 2003-yillarda tug‘ilgan bir nafar ayol va ikki nafar erkakdan iborat jinoiy guruh o‘zaro oldindan til biriktirib, oilaviy sharoiti og‘ir bo‘lgan ayollarni chet elga sotib yubormoqchi bo‘lgan.
Ular Surxondaryo va Qashqadaryo viloyatlaridan bo‘lgan ikki nafar ayolning ishonchiga kirib, ularni Turkiyaga ishlash uchun jo‘natishni va’da qilishgan. Aslida esa, moddiy manfaat evaziga ushbu fuqarolarni Istanbul shahriga shahvoniy ekspluatatsiya qilishni rejalashtirgan.
Shu yilning 3-fevral kuni jinoiy guruh a’zolari jabrlanuvchilarni Toshkent–Istanbul aviareysi orqali xorijga yuborish uchun hujjatlarni rasmiylashtirayotgan vaqtda ashyoviy dalillar bilan ushlangan.
Hozirda holat yuzasidan jinoyat ishi ochilib, dastlabki tergov harakatlari olib borilmoqda.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
