Ijtimoiy tarmoqlarda tarqalgan Yuqori Chirchiq tumani 23-maktab rahbariyati oʻquvchilarni majburiy mehnatga jalb qilayotgani mazmunidagi xabar boʻyicha Toshkent viloyati Bandlik bosh boshqarmasi Davlat mehnat inspeksiyasi tomonidan oʻrganish oʻtkazilgan.

Unga koʻra, sinf rahbari tomonidan oʻquvchilar haqiqatdan ham 2021-yilning 15-noyabr kuni dars vaqtida maktab hovlisini va tashqari hududini majburiy tarzda ishlatilganligi aniqlangan. Shuningdek, bu kabi holat haftasiga koʻp marotaba takrorlanib kelayotganligi oʻz tasdigʻini topgan.

Maʼlum qilinishicha, Toshkent viloyati Bandlik bosh boshqarmasi Davlat mehnat inspeksiyasi tomonidan Voyaga yetmaganlarning mehnatidan maʼmuriy tarzda majburlash yoʻli bilan foydalanganligi yuzasidan dalolatnoma rasmiylashtirilib, Oʻzbekiston Respublikasi jinoyat kodeksining 148(2)-moddasiga asosan qonuniy chora koʻrish uchun, Toshkent viloyati prokuraturasiga yuborilgan.

• Mehnat_vazirligi