Toshkent metropolitenining “Chinor” bekatida rekonstruksiya ishlari boshlanishi munosabati bilan 13-iyundan boshlab stansiya 50 kun muddatga yo‘lovchilar uchun vaqtincha yopiladi.Loyiha doirasida bekatning kirish va chiqish qismlari kengaytiriladi, yoshi katta fuqarolar, nogironligi bo‘lgan shaxslar hamda bolali oilalar uchun 4 ta zamonaviy lift o‘rnatiladi.

Shuningdek, yo‘lovchilarga xizmat ko‘rsatish sifatini yaxshilash maqsadida qo‘shimcha 12 ta turniket o‘rnatilishi rejalashtirilgan. yYo‘lovchilarga qulaylik yaratish maqsadida “Chinor” va “Yangihayot” metro bekatlari o‘rtasida maxsus metrobuslar qatnovi yo‘lga qo‘yiladi.

Ular belgilangan jadval asosida harakatlanib, transport qatnovining uzluksizligini ta’minlaydi.Mazkur rekonstruksiya ishlari metro infratuzilmasini modernizatsiya qilish va yo‘lovchilar uchun yanada qulay sharoit yaratishga qaratilgani ta’kidlandi.