O‘zbekistonda 2025-yil 1-yanvardan boshlab uy qamog‘i ehtiyot chorasi qo‘llanilgan hamda ozodlikni cheklash jazosi tayinlangan shaxslarning ehtiyot chorasi va jazoni ijro etish joyida bo‘lishini real vaqt rejimida masofadan turib nazorat qilish tartibi amaliyotga bosqichma-bosqich joriy etiladi. Bu haqda Vazirlar Mahkamasining 2024-yil 5-dekabrdagi qarorida belgilandi.

Uy qamog‘i ehtiyot chorasi qo‘llanilgan yoki ozodlikni cheklash jazosi tayinlangan quyidagi shaxslarga elektron braslet qo‘llash mumkin emas:

- 18 yoshga to‘lmagan shaxslar;

- homilador ayollar;

- uch yoshga to‘lmagan bolalari bor ayollar; - birinchi yoki ikkinchi guruh nogironligi bo‘lgan shaxslar;

- tibbiy ko‘rsatmaga ko‘ra elektron brasletni taqish tavsiya etilmaydigan shaxslar (implant qilingan kardiostimulyator o‘rnatilgan shaxslar, yuqumli teri kasalligi (allergo kontakt dermatit, teri zamburug‘i yoki qichima kasalligi) bo‘lgan shaxslar).

• Vazirlar Mahkamasi