“Uzbekistan Airways” aviakompaniyasi “Airbus” kompaniyasi bilan “A320neo” oilasiga tegishli 12 ta havo kemasini (sakkizta “A320neo” va to‘rtta “A321neo”) xarid qilish uchun shartnoma imzoladi. Bu haqda tashkilot matbuot xizmati xabar berdi.

Qayd etilishicha, yangi avialaynerlar aviakompaniyaning bugungi kunda 17 ta “Airbus A320” oilasiga tegishli havo kemalaridan iborat aviaparkiga kelib qo‘shiladi. Yangi shartnoma doirasida dvigatellarni tanlash keyinchalik aviakompaniya tomonidan buyurtma qilinadi.

Yang havo kemalari “Airbus Airspace” saloniga ega bo‘lib, u yo‘lovchilarga havo transporti bozorida yuqori darajadagi qulaylikni taqdim etadi. “Uzbekistan Airways” aviakompaniyasi yangi havo kemalaridan yo‘nalishlar tarmog‘ini yanada kengaytirish uchun foydalanishni rejalashtirmoqda.

“Airbus bilan imzolangan shartnoma aviakompaniya parkini modernizasiya qilish strategiyamizning yangi bosqichi bo‘lib, yo‘lovchilarga eng zamonaviy va qulay havo kemalarini taklif qilishni davom ettirishga imkon beradi. Shu bilan birga, “A320neo” oilasining ushbu havo kemalari bizga Markaziy Osiyo mintaqasidagi mavqeyimizni yanada yaxshilashga va mintaqa ichida ham, undan tashqarida ham parvozlar xaritasini sezilarli darajada kengaytirishga yordam beradi”, – deydi “Uzbekistan Airways” AJ boshqaruv raisi Ilhom Mahkamov.

Qayd etish mumkin, “A320neo” oilasi yonilg‘i tejamkorligi karbonat angidrid chiqindilarining kamida 20 foizini ta’minlaydigan yangi avlod dvigatellari va Sharkles kabi eng so‘nggi texnologiyalarni o‘z ichiga oladi. 130 dan ziyod mijozlarning 8600 dan ortiq buyurtmalarini olgan “A320neo” oilasi dunyodagi eng mashhur havo kemasi hisoblanadi.

Qayd etish mumkin, “A320neo” samolyoti o‘rtacha 140-170 nafar yo‘lovchiga mo‘ljallangan bo‘lib uning narxi taxminan 101 mln AQSH dollarini tashkil etadi.

• Airbus
• Samolyot
• Uzbekistan airways