2026-yilda Özbekistonda ilk bor 5 million tonnadan ortiq paxta xomaşyosi yetiştirildi. Bu mamlakat paxtaçiligi tarixidagi rekord körsatkiç böldi. Bu haqda Qişloq xöjaligi vazirligi ma’lum qildi.

Vazirlik ma’lumotlariga köra, sönggi yillarda paxta hosildorligi gektariga 21 sentnerdan 56 sentnerga yetgan. Joriy yilda qariyb 400 ming gektar maydonda örtaça hosildorlik 70 sentnerni taşkil etgan. Salkam 70 ming gektar maydonda esa har gektardan 100–110 sentnergaça hosil olingan.

Yuqori natijalarga erişişda ilm-fan va işlab çiqariş integratsiyasining kuçaytirilişi, mahalliy tuproq-iqlim şaroitiga mos serhosil navlardan foydalaniş hamda zamonaviy agrotexnologiyalarning joriy etilişi muhim omil bölgan. Şuningdek, suv tejovçi texnologiyalar hisobiga paxtaçilikda suv sarfi 1990-yillarga nisbatan ikki baravar kamaygani qayd etildi.

Yetiştirilgan paxta hosilining 85 foizi 3 mingdan ortiq zamonaviy paxta teriş maşinasi yordamida 30–35 kun içida yiğib olingan. Jizzax va Sirdaryo viloyatlarida mexanizatsiyalaşgan terim darajasi 100 foizga yetgan.

Vazirlik prognoziga köra, joriy yilda fermer xöjaliklarining paxta yetiştirişdan oladigan sof foydasi 13–14 trillion sömni taşkil etişi kutilmoqda.

Kelgusi yil uçun paxta hosildorligini örtaça 65–70 sentnerga yetkaziş maqsad qilingan. Bunda serhosil navlar, agrodronlar, suv va energiya tejovçi texnologiyalar hamda sun’iy intellekt imkoniyatlaridan foydalaniş rejalaştirilgan.