Amerikaning animatsion filmlar ishlovchi Blue Sky Studios studiyasi 20 yillik “Muzlik davri” multiserialini yakunladi.

30 daqiqalik video “The End” nomi ostida YouTube platformasiga joylangan.

Videoda muzlik davridagi Skret (olmaxonning ismi) ko‘rinadi, u o‘zining odatdagi uslubida o‘rmon yong‘og‘i tomon sakraydi. Ammo u bu safar hech qanday ko‘ngilsiz hodisalarsiz yong‘oqni ushlaydi va uni yeydi. Keyin esa kadrdan chiqib ketadi.

Izohda mazkur yakuniy video Blue Sky Studios xodimlari tomonidan ishlangani va bu studiyaning yopilayotgani ramzi ekani aytiladi.

Qayd etilishcha, Blue Sky Studios koronavirus pandemiyasi davridagi moliyaviy qiyinchiliklarga duch kelgani bois yopilgan. Ushbu Amerika multiplikatsion studiyasi o‘z muxlislariga qator serial multfilmlar, jumladan, “Muzlik davri”, “Rio”, “Titan: yerning o‘limidan so‘ng” va “Robotlar” kabilar bilan mashhur edi.

Studiyaning so‘nggi loyihasi “Disney+”da 13-aprel kuni eʼlon qilingan qisqametrajli “Muzlik davri: Skretning tarixi” deb nomlangan.

Qayd etilishicha, “Muzlik davri” multfilmlari seriyasini ishlagan Blue Sky Studios studiyasining yopilishi 2021-yilning fevralida maʼlum bo‘lgan.

Eslatib o‘tamiz, mazkur multfilmning ilk qismlari 2002 yilda ishlab chiqarilgan.

• Multfilm
• qiziqarli