“Vikipediya” asoschilaridan biri Jimmi Ueyls onlayn ensiklopediyaning ilk versiyasini kimoshdi savdosiga qoʻydi.

“Vikipediya”ning sotuvga qoʻyilgan versiyasi 2001 yilda yaratilgan. Savdodan tushgan pullar xayriya ishlari uchun sarf etiladi, shuningdek Jimmi Ueyls tomonidan yaratilgan “WT.social” ijtimoiy tarmogʻini rivojlantirish uchun yoʻnaltiriladi.

“Vikipediya” onlayn ensiklopediyasi “Christieʼs” kimoshdi savdo uyiga NFT-token formatida taqdim etilgan.

Jimmi Ueylsning aytishicha, token xaridor tomonidan sotib olinganidan keyin ham “Vikipediya” sahifasi foydalanuvchilar uchun ochiq boʻlib qolaveradi, yaʼni uni istalgan odam tahrirlay oladi. Ammo, oradan 5 daqiqa oʻtmay turib, sahifa avvalgi holatiga qaytadi.

• Jahon
• qiziqarli