Xitoy savdo tarmoqlari bilan tijorat qiladigan tadbirkorlar uchun yaxshi yangilik. Xitoyning “YTO Cargo Airlines” aviakompaniyasi O‘zbekistonga muntazam yuk qatnovlarini yo‘lga qo‘ymoqda. Aviakompaniya vakillari Uzbekistan Airports kompaniyasi rahbariyati bilan joriy yilning 3-iyun kuni bo‘lib o‘tgan muzokaralarda shunday niyat bildirgan.

“Yuk tashuvchining Toshkent xalqaro aeroportiga birinchi parvozi 2024-yil 6-iyun kuni, Xitoyning “Comac” kompaniyasi tomonidan ishlab chiqarilgan yangi turdagi ARJ21-700 samolyotida amalga oshirilishi rejalashtirilgan”, – deyiladi xabarda.

Avvalroq “YTO Cargo Airlines” aviakompaniyasi Boeing 757 samolyotlarida Toshkentga charter reyslarini amalga oshirgan edi.

“YTO Cargo Airlines” Xitoyning yuk tashuvchi aviakompaniyasi bo‘lib, bosh qarorgohi Xanchjouda joylashgan.

• Aviaqatnov