Xitoyda mashhur “Terrakota qoʻshini” joylashtiriladigan yangi muzey toʻliq qurib bitirildi. Xitoyning birinchi arxeologiya muzeyi mamlakatning shimoli-gʻarbiy qismida, Shensi viloyatida joylashgan.

Muzey maydoni 5800 kvadrat metrga teng keluvchi yopiq koʻrgazma zaliga ega, ochiq maydon kattaligi esa 10 000 kvadrat metrni tashkil qiladi. Muzeyga viloyatdagi qazishma ishlari jarayonida topilgan 5212 ta tarixiy buyum keltiriladi.

Maʼlumotlarga koʻra, yangi muzeyga Ven Xan maqbarasining sopol haykalchalari, neolit davriga oid oʻyma naqshlar va mashhur “Terrakota qoʻshini” joylashtiriladi.

Hukumat vakillari muzeyni barpo etish uchun 315 million AQSh dollari miqdorida sarmoya kiritganlar.

• Tarix
• Xitoy
• qiziqarli