Tovuq tuxumi tarkibidagi yogʻ miqdoriga qaramay inson salomatligi uchun foydali ekanligini isbotlandi. Olimlarning aniqlashlaricha, u tomirlar faoliyatiga ijobiy taʼsir koʻrsatadi.

Pekin universiteti olimlari tomonidan oʻtkazilgan tadqiqotda yurak-qontomir tizimi bilan bogʻliq muammolardan aziyat chekuvchi bir necha ming kishi ishtirok etdi. Tadqiqot ishtirokchilari 2 guruhga boʻlingan va ularning bir qismi kuniga bittadan tuxum isteʼmol qilgan. Natijada tuxum isteʼmol qilgan koʻngillilar organizmida xolesterin miqdori kamaygani maʼlum boʻlgan.

“Soʻnggi tadqiqotlar natijasida tovuq tuxumi isteʼmoli plazmadagi xolesterin metabolizmida muhim rol oʻynashi aniqlandi”, deydi ekspertlar. Ularning taʼkidlashicha, tuxum oqsili ham katta miqdordagi mikroelementlar va vitaminlarga boy. Sarigʻi esa tomirlar va yurak salomatligi uchun foydalidir.

• Foydali
• salomatlik
• tadqiqot