17°
Kechasi 7°
Ijod bilan shugʻullanuvchi qobiliyatli odamlar biz taxmin qilgandan koʻra anchagina koʻp. Ularning ayrimlari kundalik yumushlar bilan band, ayrimlari tirikchilik uchun, ayrimlari esa vaqt yetmasligi tufayli ijod qilishdan voz kechgan.
Aslida esa qoʻl mehnati, ijodiy faoliyat va xobbini daromad manbaiga aylantirish mumkin. Buning uchun esa avvaldan reja tuzib olish kerak boʻladi.
Ishni sevgan mashgʻulotingizni aniqlab olishdan boshlang
Aynan qanday yoʻnalishda faoliyat yuritib, daromad topishni istaysiz? Balki shirinliklar pishirishni, surat chizishni, antiqa buyumlar yasashni xush koʻrarsiz? Balki bejirim liboslar tikish sizga zavq bagʻishlar? Aynan qaysi yoʻnalishda faoliyat yuritishni aniqlab olishingiz bilan maqsad tomon qoʻrqmasdan qadam tashlashingiz mumkin.
Bozorda qanday mahsulotlarga talab bor ekanligini tahlil qiling
Bejirim taqinchoq yoki antiqa buyumni tayyor holatga keltirdingiz. Ammo, uning ortidan daromad olish uchun buning oʻzi yetarli emas. Bozorda unga nisbatan talab katta boʻlishi kerak. Bugungi kunda qoʻl mehnati yordamida yasalgan dekorativ buyumlar, taqinchoqlar, oʻyinchoqlar, uy sharoitida pishirilgan mazali taom hamda tortlarga nisbatan talab katta. Agar ushbu sohalarga haqiqatdan qiziqsangiz, ularni maxsus kurslarga qatnab ham oʻrgansangiz boʻladi.
Biznes reja tuzib oling
Biznes reja tuzmasdan ish boshlash – aksariyat holatlarda shaxsiy biznesda muvaffaqiyat qozona olmaslikka sabab boʻladi. Oʻz ishingizga qoʻl urishdan avval sarf-xarajatlar roʻyxati, kuniga necha soat ishlashingiz kerakligi va shu kabi omillarni hisobga olib reja tuzishingiz kerak. Ana shunda mahsulotingizga kerakli narxni qoʻya olasiz.
Internetdagi imkoniyatlardan foydalaning
Qoʻl mehnati yordamida ajoyib buyumlar yaratishingizni ijtimoiy tarmoqlar orqali targʻib qilishni ham unutmang. Internet foydalanuvchilari mahsulotlaringizni xarid qilishi mumkin boʻlgan potensial mijozlar ekanligini hisobga oling. Ularga mahsulotlaringiz haqida batafsil maʼlumot bering, ular uchun buyurtma olishingiz mumkinligini ham taʼkidlab oʻting.
Darhol muvaffaqiyat qozona olmasangiz, tushkunlikka tushib qolmang
Shaxsiy biznesingizni yoʻlga qoʻyib olganingizdan keyin uning bir urinishda daromad olib kelishiga hech kim kafolat bera olmaydi. Agar darhol muvaffaqiyat qozona olmasangiz barchasiga qoʻl siltab ketmang. Oʻz ustingizda koʻproq ishlashga va yangiliklar yaratishga harakat qiling.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
