Xorazm viloyati Hazorasp tumanida filial komplayens nazorat tuzilmalari, tuman gaz ta’minoti bo‘limi xodimlari va huquq-tartibot organlari hamkorligida o‘tkazilgan nazorat tadbirida qoida buzilish holati aniqlandi.

Xususan, tumanning “Pahlavon Mahmud” MFYda joylashgan “H. Q. I.” MChJga qarashli ko‘p qavatli uy xatlovdan o‘tkazilganda, ta’minot tashkiloti bilan shartnoma tuzmasdan, loyiha-texnik hujjatlarini soxtalashtirib, “zangori yoqilg‘i”dan noqonuniy foydalanib kelinayotgani ma’lum bo‘lgan.

Holat yuzasidan dalolatnoma tuzilib, 9 milliard 987 million so‘mlik zarar qayta hisob-kitob qilindi. Barcha hujjatlar huquqni muhofaza qiluvchi organlarga yuborilgan.

• Energetika_vazirligi
• Gaz
• Qoidabuzarlik
• Xorazm