Yaponiyaning "NTT Group" telekommunikatsiya korporatsiyasi 30 ming nafar xodimga ish faoliyati bilan dunyoning istalgan burchagidan turib shug‘ullanish imkoniyatini taqdim etdi. Endilikda ularning kompaniyaga tashrif buyurishlari xizmat safariga tenglashtiriladi. Yo‘l xarajatlari esa kompaniya tomonidan to‘liq qoplab beriladi.

Ta’kidlanishicha, xodimlar ofisga istalgan turdagi transport vositasi, hattoki samolyotda kelishlari ham mumkin.

Ayni vaqtda ushbu kompaniyada 180 ming nafar xodim ishlaydi. Yangi tizim ish samaradorligiga ijobiy ta’sir qilsa, qolgan xodimlarga ham masofadan turib ishlashga ruxsat beriladi.

NTT bunday ish tizimiga o‘tishni ma’qul ko‘rgan birinchi kompaniya emas. Bu turdagi tizimni Yaponiyaning ko‘plab kompaniyalari sinovdan o‘tkazgan. Misol uchun, "Mercari“ kompaniyasi, ”Yahoo Japan" portali o‘z xodimlariga mamlakatning va dunyoning istalgan burchagidan turib ishlash imkoniyatini taqdim etgan.

• Yaponiya
• qiziqarli