Yevropa diplomatiyasi rahbari Kaya Kallasning ma’lum qilishicha, Yevropa Ittifoqi Rossiyaga qarshi 19-sanksiya paketini ishlab chiqishga tayyorlanmoqda.

Kallasning qayd etishicha, Yevropa Ittifoqi Rossiya-Ukraina urushi tugamaguncha yon berish niyatida emas.

“Bosqichlar ketma-ketligi muhim ahamiyatga ega. Rossiya to‘liq va so‘zsiz o‘t ochishni to‘xtatishga rozi bo‘lmaguncha, biz hech qanday yon berishni ham muhokama qilmasligimiz kerak”, – dedi u.

Kaya Kallasning qo‘shimcha qilishicha, Yevropa Ittifoqining Rossiyaga nisbatan siyosatida mumkin bo‘lgan o‘zgarish uchun, avvalo, kuchli monitoring tizimi va “temir” xavfsizlik kafolatlari bilan so‘zsiz o‘t ochishni to‘xtatishga erishish kerak.

Ma’lumot uchun, iyul oyida YeI Rossiya iqtisodiyotining neft va bank sektoriga qaratilgan 18-sanksiya paketini qabul qilgan edi.

• Rossiya
• Sanksiya
• Yevroittifoq