Bugun dunyoda koronavirus infeksiyasi bilan bog‘liq vaziyatga e’tibor bersak, kasallik bolalar va homilador ayollar orasida ham ko‘p kuzatilayotganini ko‘rish mumkin. Bunga esa qaysidir ma’noda virusning yangi-yangi shtammlari aniqlanayotgani ham sabab bo‘lmoqda.
Sog‘liqni saqlash vazirligining Matbuot xizmati shifoxona direktori o‘rinbosari Hilola Alimovadan yil davomida nechta chaqaloq dunyoga kelgani haqida ma’lumot olgan.
Xabarda keltirilishicha, ayni paytda shifoxonada 7 nafar chaqaloq, 18 yoshgacha bo‘lgan 97 nafar bola davolanmoqda. Xususan, jonlantirish bo‘limlarida 2 nafar bemor bola shifokor va hamshiralarning nazorati ostida davo muolajalarini olayotganligi qayd etilgan.
Shuningdek, bemorlar orasida 64 nafar homilador ayol ham bo‘lib, ayni kunda ularning 3 nafari reanimasiya bo‘limida davolanyapti. Ma’lumotlarga ko‘ra, joriy yil boshidan buyon shifoxonada 422 nafar chaqaloq dunyoga kelgan.
Eslatib o‘tamiz, joriy yilning 15-oktyabr holatiga ko‘ra, ushbu muassasada yil boshidan buyon tug‘ilgan chaqaloqlar soni 377 nafarni tashkil qilgan edi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!