Bu safar mudofaa sohasiga oid 41 ta atamaning o‘zbekcha muqobili muhokamaga taqdim etildi.

O‘zbekiston Atamalar komissiyasining ishchi kengashi — O‘zbekiston Fanlar akademiyasi O‘zbek tili, adabiyoti va folklori instituti olimlari mudofaa sohasidagi 41 ta xorijiy atamalarning o‘zbekcha muqobillarini ko‘rib chiqib, muhokamaga taqdim etdi.

Ishchi organ galdagi taqdim etilayotgan atamalarning milliy muqobillari bo‘yicha boshqa fikr va mulohazalarni qabul qilishi va ko‘rib chiqishini ma’lum qildi. Quyida ro‘yxat bilan tanishishingiz mumkin:

Akselbant — Zarhal bog‘(ich);

Ambrazura — Shinak;

Ataka — Hamla;

Baraban(chi) — Nog‘ora(chi);

Blindaj — Panajoy;

Blokada — Qamal;

Blokpost — To‘siqpost;

Bronejilet — Zirhnimcha;

Veshmeshok — Yukxalta;

Gaupvaxta — Tutuqxona;

Gorn(chi) — Burg‘u(chi);

Diversant — Qo‘poruvchi;

Diversiya — Qo‘poruvchilik;

Dozor — Erovul;

DOT — UMMON, MJON;

Dubinka — Tayoq;

Zapal — Chaqnatkich;

Kaska — Dubulg‘a;

Kokarda — Jig‘a;

Kotelok — Qozoncha;

Kursant — Kursant, tinglovchi;

Lager — Jamloq;

Marsh — Yurish;

Mishen — Nishon;

Okop — Xandaq;

Payok — Payok;

Planshet — Yonchiq;

Poligon — Dala o‘quv maydoni;

Protivogaz — Gazniqob;

Rejim — Tartibot;

Stvol — O‘qquvar;

Transheya — Xandaq yo‘lagi;

Trevoga — Bong;

Trenchik — Zanjirbog‘;

Tribunal — Harbiy mahkama;

Fortifikatsiya — Istehkom;

Furajka — Bo‘rk;

Shevron — Uqa;

Emblema — Tanuq.

• Fanlar akademiyasi
• Mudofaa