Amerikalik olimlar oʻtkazilgan bir qator tadqiqotlar natijasida zarchava xotirani yaxshilashi va katta yoshli odamlarda kayfiyatning koʻtarilishiga sabab boʻlishini isbotlab berishdi.

Kaliforniya universiteti olimlari tomonidan oʻtkazilgan tadqiqotda 51 yoshdan 84 yoshgacha boʻlgan koʻngillilar ishtirok etishgan. Ularning barchasida xotira bilan bogʻliq muammolar kuzatilgan.

Tadqiqot ishtirokchilari 18 oy mobaynida har kuni 90 milligramdan zarchava isteʼmol qilganlar. Keyin esa kognitiv imkoniyatlarni tekshirishga yordam beruvchi testlar oʻtkazilgan. Doimiy ravishda zarchava isteʼmol qilgan keksa yoshli insonlarning natijasi 28 foizga yaxshilangani qayd etilgan.

Olimlarning fikricha, bu zarchavaning miyadagi kayfiyat va xotira uchun javob beradigan qismlarini faollashtirib yuborishi bilan bogʻliq.

• Foydali
• salomatlik
• tadqiqot