Zimbabvening Xvange milliy bog‘ida 2023-yil avgust-dekabr oylarida kamida 160 ta fil halok bo‘ldi. Bu haqda The Guardian xabar bermoqda.

Quruq ob-havo davom etayotganligi sababli, yovvoyi tabiat himoyachilari kelajakda ko‘proq hayvonlar o‘lishini taxmin qilishmoqda.

Zimbabve Parklar va Yovvoyi tabiatni muhofaza qilish boshqarmasi fillarning o‘limini tasdiqladi. Ularning so‘zlariga ko‘ra, ko‘pchilik ochlikdan o‘lgan. Hayvonlarning ko‘pchiligi suv manbalaridan 50-100 metr masofada nobud bo‘lgan.

Birlashgan Millatlar Tashkilotining Gumanitar masalalarni muvofiqlashtirish boshqarmasi o‘tgan yilning noyabr oyida Zimbabvega mavsumiy yog‘ingarchilik 50% dan kam bo‘lganini tasdiqladi.

Xvangedagi tabiatni muhofaza qiluvchilar endi ko‘proq quduqlar qazish va fillarni oziq-ovqat bilan ta’minlanadigan joylarga ko‘chirishga harakat qilishmoqda.

• Afrika
• BMT
• Hayvon
• tabiat