Koreya Respublikasida koronavirusning tarqalishi tez suratlarda oshib borayotganligi sababli mamlakat Adliya vazirligi tomonidan (ID card asosida) xorijiy shaxs sifatida ro‘yxatdan o‘tib qonuniy yurgan shaxslarning vizalari avtomatik tarzda 2020-yil 30-aprelga qadar uzaytiriladi, deb xabar bermoqda Tashqi mehnat migratsiyasi agentligi Matbuot xizmati.

Xabarda keltirlishicha, vizani uzaytirish uchun xorijiy shaxslarning migratsiya xizmati idoralariga borishlari talab etilmaydi.

Bu tartib Koreya hududida 2020-yilning 24-fevraliga qadar qonuniy tarzda bo‘lgan xorijiy shaxslarga nisbatan qo‘llanadi.

“Shu bois, ushbu holat Sizning Koreyani tark etishingizga zarurat tug‘dirmasligini ma’lum qilamiz”, deyiladi xabarda.

Eslatib o‘tamiz, koronavivrus sabab Janubiy Koreyadagi vaziyat va u yerda bo‘lib turgan o‘zbekistonliklarni vatanga qaytarish borasida haftasiga bir martadan reyslar amalga oshirilishi haqida xabar bergan edik.