Bugun, 4-mart kuni Andijon viloyati Asaka va Bo‘ston tumanlariga yangi hokim tayinlandi. Bu haqda Xabardor.uz’ga viloyat hokimligi Matbuot xizmati ma’lum qildi.

Asaka tumanida bo‘lib o‘tgan faollar yig‘ilishida tuman hokimi Erkinjon Abdullayevich Yakubov ishdan olingan. U 2017-yilning iyulidan buyon tumanga rahbarlik qilib kelayotgan edi.

Asaka tumanining yangi hokimligi lavozimiga Bo‘ston tumanida hokimlik qilib kelayotgan Inomjon Solijonovich Mamadaliyev tayinlandi.

Bo‘ston tumaniga esa “Yuksalish” umummilliy harakati Andijon viloyati hududiy bo‘linmasi rahbari Sadbarxon Mamitova hokim bo‘ldi.

Eslatib o‘tamiz, ayni vaqtda Respublika bo‘yicha tumanlar hokimligidagi ayol rahbarlar soni uch nafarga yetdi.

Xabardor.uz