Marg‘ilonlik iste’molchi elektr hisoblagichni to‘xtatib qo‘yadigan, biroq xonadonda elektr energiyasi o‘chmasdan bir maromda ishlashini ta’minlaydigan pult ixtiro qilganini tan oldi, deb xabar bermoqda Majburiy ijro byurosi Matbuot xizmati.

Ma’lum bo‘lishicha, pultdan foydalanish orqali davlatga va oila budjetiga 14 mln. 240 ming 924 so‘m zarar yetkazilgan.

Ushbu holat Farg‘ona viloyati Marg‘ilon shahri Rohat mahallasi Bilim ko‘chasida istiqomat qiluvchi G.X xonadonida aniqlangan. “Innovatsion” pult uning o‘g‘li T. I. tomonidan ixtiro qilingan.
 
Holat bo‘yicha hozirda tegishli hujjatlar rasmiylashtirilib, tergovga qadar tekshiruv olib borilmoqda, deyilgan Matbuot xizmati xabarida.