Ukraina Prezidenti Vladimir Zelenskiy sobiq matbuot kotibi Yuliya Mendel va yana to‘qqiz kishiga nisbatan sanksiyalar joriy etdi. Ular Rossiya propagandasini tarqatish hamda Moskvaning Ukrainaga qarshi siyosatini qo‘llab-quvvatlashda ayblangan.

Tegishli farmon Zelenskiy tomonidan 13-sentabr kuni imzolangan.

Sanksiyalar 10 yil muddatga joriy etilgan bo‘lib, aktivlarni muzlatish va savdo operatsiyalariga cheklovlar qo‘yishni nazarda tutadi.

Yuliya Mendel 2019–2021-yillarda Zelenskiyning matbuot kotibi sifatida faoliyat yuritgan. Keyinchalik u Prezident ma’muriyatida ishlagan.

Mendel Facebook’dagi bayonotida Ukraina fuqarolariga nisbatan sanksiya joriy etilishi konstitutsiyaga zid ekanini ta’kidladi. Uning so‘zlariga ko‘ra, u bunday choralar qo‘llanishini kutgan. Sobiq matbuot kotibi Zelenskiyni Ukrainada tinchlik tarafdori bo‘lgan shaxslarga qarshi choralar ko‘rishda aybladi.

Mendel so‘nggi yillarda Zelenskiy faoliyatini, jumladan, Prezidentning yaqin doirasidagi ayrim shaxslar bilan bog‘liq korrupsiya mojarolarini tanqid qilib kelgan. Mazkur mojarolarda tilga olingan shaxslar esa o‘zlariga qo‘yilgan ayblovlarni rad etgan.

Ukraina Prezidenti devoni ma’lumotiga ko‘ra, yangi sanksiyalar jami 10 nafar Rossiya va Ukraina fuqarosiga nisbatan joriy etilgan. Rasmiylar ularni dezinformatsiya va Rossiya propagandasini tarqatish hamda Rossiyaning Ukrainaga nisbatan agressiv siyosatini qo‘llab-quvvatlashda ayblagan.

Avval ham Ukrainada sobiq yuqori martabali siyosatchilarga nisbatan sanksiyalar qo‘llangan. Xususan, 2025-yilda sobiq prezident va muxolifat siyosatchisi Pyotr Poroshenkoga milliy xavfsizlik nuqtayi nazaridan aktivlarni muzlatish va ka