Oybek Tursunovning “Kapitalbank” ATBdagi ulushi 50 foizga yetdi. Bu haqda “Toshkent” Respublika fond birjasi ma’lumotlarida qayd etildi.

Oybek Tursunovning mazkur bankdagi ulushi bunga qadar 25,9 foiz bo‘lgan va joriy yil 29 oktyabrdagi bitimga ko‘ra uning bankdagi ulushi 50 foizga yetgan.

Shu tariqa Oybek Tursunov egalik qiladigan bank aksiyalari soni 164 mln. 927 890 taga yetdi.

Ma’lumotga ko‘ra, 4-noyab holatiga “Kapitalbank” ATB ta’sischilari ro‘yxatidagi "Promadik Invest" MChJ (bankdagi ulushi 38,80 foiz) hamda  "Start Lesing" MChJ (bankdagi ulushi 14,10 )lar Oybek Tursunovga qarashli bo‘lib, uning mazkur MChJlardagi ulushi mos ravishda 93,40 foiz va 98,0 foizni tashkil qiladi.

Eslatib o‘tamiz, avvalroq “Kapitalbank” ATB o‘zining “Apelsin” ilovasini alohida yuridik shaxs “Bank Apelsin” AJ sifatida ro‘yxatdan o‘tkazgan va unga bank faoliyati bilan shug‘ullanishi uchun litsenziya berilgan edi.