Toşkent şahridagi köp qavatli uylarning içki hovlilaridan avtoturargohlar va avtomobil yölaklarini taşqariga çiqariş rejalaştirilmoqda. Böşagan hududlar aholining dam olişi, bolalar öynaşi va sayr qilişi uçun moslaştiriladi. Bu haqda Toşkent şahar hokimligi «15 daqiqali qulay muhit» loyihasi doirasidagi rejalar yuzasidan ma’lum qildi.

Loyiha doirasida turar joylarga piyoda 15 daqiqalik masofada boğça, maktab, oilaviy poliklinika, maişiy xizmat körsatiş şoxobçalari va dam oliş maskanlarini joylaştiriş közda tutilgan. Bu orqali aholining kundalik ehtiyojlarini yaşaş joyiga yaqin hududda qondiriş imkoniyatini yaratiş maqsad qilingan.

Şuningdek, mahallalarda xiyobonlar, sersoya piyodalar yölaklari, bolalar va kattalar uçun sport maydonçalari hamda uçraşuv joylari taşkil etiladi. Xavfsizlikni ta’minlaş maqsadida zamonaviy videokuzatuv tizimlari va favqulodda vaziyatlarda yordam çaqiriş uçun SOS tugmalari örnatilişi ham rejalaştirilgan.

Hokimlik xabarida loyihaning asosiy maqsadi mahallalarni qulay va xavfsiz hududga aylantiriş, aholi örtasidagi özaro hurmat va yordam munosabatlarini saqlab qoliş ekani ta’kidlangan.

Mazkur rejalar Prezident Şavkat Mirziyoyevning 14-oktabr kuni Toşkent şahrini obodonlaştiriş, yangi maktab va boğçalar quriş hamda şahar muhitini rivojlantiriş loyihalari bilan tanişişi ortidan amalga oşirilmoqda. Rejaga köra, «15 daqiqalik mahalla» tamoyili asosida 2027-yilda 100 ta, 2030-yilga qadar esa jami 400 ta mahallani kompleks yangilaş közda tutilgan.