Ижтимоий тармоқларда Коррупцияга қарши курашиш агентлиги директори Акмал Бурҳонов номи билан боғлиқ равишда мобил илова дастури орқали маблағ қўлга киритиш мумкинлиги ҳақида ёлғон маълумотлар тарқатилмоқда. Бу ҳақда агентлик матбуот хизмати маълум қилди.

Унга кўра, Акмал Бурҳонов томонидан Ўзбекистон фуқаролари мобил иловада 1 миллион сўм олиши ва ўз картасига ўтказиши мумкинлигини маълум қилинган.

Қайд этилишича, мазкур хабарлар ҳақиқатга мутлақо зид ва фуқаролардан бу каби фейк маълумотларга ишонмаслик, фирибгарлардан огоҳ бўлиш сўралган.

“Асоссиз ва ёлғон ахборотни тарқатганлик учун қонунчилигимизда маъмурий ва жиноий жавобгарлик нормалари белгиланган”, – дейилади хабарда.

• Аксилкоррупция
• Фирибгарлик