АКТ вазири АҚШ билан АКТ соҳасидаги ҳамкорликни кенгайтириш, IT-соҳасидаги етакчи компаниялар билан ҳамкорликни янада ривожлантириш ҳамда янги компаниялар билан ҳамкорлик ўрнатиш мақсадида Америка Қўшма Штатларида бўлиб турибди.

Президент Шавкат Мирзиёев раҳбарлигида жорий йилнинг 14 апрел куни ахборот технологиялари соҳасидаги натижалар ва жорий йилги вазифалар муҳокамаси юзасидан ўтказилган йиғилишда Ахборот технологиялари ва коммуникацияларини ривожлантириш вазирлигига Ўзбекистонни минтақавий IT-хабга айлантириш бўйича берилган топшириқларни амалга ошириш кўзда тутилган.

Шу мақсадда, Ахборот технологиялари ва коммуникасияларини ривожлантириш вазирлиги делегацияси Америка Қўшма Штатларига ташрифи доирасида “Plug and Play” компанияси раҳбарияти билан учрашган. Унда АКТ вазири Ш. Шерматов иштирок этган.

Учрашув давомида “Plug and Play” компанияси билан Ўзбекистонда BPO ва KPO хизматларини кўрсатиш учун иқтидорли мутахассисларни жалб қилиш масалаларига эътибор қаратилган.

Шунингдек, АКТ вазири “Plug and Play” компанияси вакиллари билан Ўзбекистонда ўз ваколатхонасини очиш масалалари муҳокама қилган.

Хусусан, “Plug and Play” Ўзбекистонда ўз ваколатхонасини очса, стартапларни қўллаш ва саралаш ҳамда уларни ўсишига ёрдам беради, катта корпорациялар билан боғлайди, венчур капитал сармояларини жалб этишга кўмаклашади. Бу каби уникал экотизимни бизда ҳам ташкил этилиши ёшларимизнинг янги стартаплари орасидан Униcорн даражасигача чиққан лойиҳалар бўлиши учун қўшимча имконият бўлишини алоҳида таъкидлади АКТ вазири.

Эслатиб ўтамиз, “Plug and Play” – стартаплар, корпорациялар, университет ва давлат идораларини бирлаштирувчи етакчи инновацион платформа. Компания беш қитъада 40 дан ортиқ манзилларда фаолият юритади, бош офиси эса Силикон водийсида жойлашган.

• АКТ
• АҚШ
• Шерматов