Ўзбекистон Республикаси Президенти Шавкат Мирзиёев БМТнинг Аҳоли пунктлари бўйича дастури шафелигида Боку шаҳрида ўтказилаётган Бутунжаҳон урбанизация форумининг 13-сессияси очилиш маросимида иштирок этди.

Боку Конгресс марказида давлатимиз раҳбарини Озарбайжон Президенти Илҳом Алиев ҳамда БМТнинг Аҳоли пунктлари бўйича дастури ижрочи директори Анаклаудия Россбах кутиб олди.

Форумнинг бу йилги мавзуси — “Барча учун уй-жой: хавфсиз ва барқарор шаҳарлар ҳамда ҳамжамиятлар”.

Унда давлат ва ҳукумат раҳбарлари, халқаро ташкилотлар ҳамда ривожланиш институтлари вакиллари иштирок этмоқда.

Форум доирасида шаҳарларни барқарор ривожлантириш, замонавий ва арзон уй-жойлар қуриш, шаҳар муҳити сифатини яхшилаш, иқлим барқарорлигини мустаҳкамлаш ҳамда транспорт инфратузилмасини ривожлантириш масалалари муҳокама қилинади.

Шунингдек, Президент Шавкат Мирзиёев форум доирасидаги Етакчилар саммитида нутқ сўзлаши режалаштирилган.