Андижон вилояти ИИБ ЖҚБ ходимлари "гашиш" сотиш билан шуғулланаётган бир нечта фуқароларни қўлга олдилар. Масъул ходимлар томонидан ўтказилган тезкор тадбирлар натижасида Андижон шаҳрида яшовчи 1971 йилда туғилган эркак фуқаро холис харидорга 6,43 грамм "гашиш" гиёҳвандлик моддасини 500 000 сўм эвазига сотаётгани аниқланган ва тегишли тартибда ушланган. Фуқаро эгнидаги шим чўнтагидан ҳам 6,37 грамм миқдорда "гашиш" топилган.

Худди шундай ҳолат Андижон шаҳрининг бошқа ҳудудида ҳам қайд этилган. Олтинкўл туманида яшовчи 1992 йилда туғилган фуқаро холис харидорга 0,76 грамм "гашиш" гиёҳванд моддасини 125 000 сўм эвазига сотаётган вақтда қўлга олинган.

Мазкур ҳолатлар юзасидан Андижон шаҳар ИИО ФМБ томонидан терговга қадар суриштирув ишлари олиб борилмоқда.

• Андижон
• ИИБ
• Xabardor.uz