Apple TV+ "Формула-1" ҳақида суратга олинган янги фильмни намойиш этиш ҳуқуқини сотиб олди. Фильмдаги бош ролни таниқли актёр Брэд Питт ижро этган. Уни намойиш этиш ҳуқуқи учун "Paramount“, ”MGM“, ”Disney“, ”Sony“, ”Universal“ студиялари, шунингдек "Netflix" ва "Amazon" стриминг платформалари даъвогарлик қилаётган эди.

Маълум бўлишича, Брэд Питт фильмда пойгачи ролини ижро этади ва сюжетга кўра, ёш пойгачи учун устозлик қилиш мақсадида нафақадан қайтади. Фильмни суратга олиш ишларида "Формула-1" автопойгачиси ва жаҳоннинг 7 карра чемпиони Льюис Хемилтон ҳам иштирок этган. Унинг экран асарига продюсерлик қилгани айтилмоқда.

Фильм "Топ Ган: Мэверик" режиссёри Жозеф Косински томонидан суратга олинган. Унинг томошабинлар эътиборига қандай ном билан тақдим этилиши ҳозирча аниқ эмас.

• Apple
• Автопойга
• Кино