Доналд Трамп ўзининг Truth Social ижтимоий тармоғида АҚШ томонидан 14 та мамлакатга юборилган мактубларни эълон қилди. Улар орасида Япония ва Жанубий Корея каби асосий иттифоқчилар билан бир қаторда Сербия, Таиланд, Тунис ва Қозоғистон каби кичик экспортчилар ҳам бор. Бу мактубларда қўшимча музокаралар учун имкониятлар назарда тутилган бўлса-да, жавоб чоралари кўрилса, бунга ҳам шундай жавоб қайтарилиши ҳақида огоҳлантирилган.

Трамп мактуб юборган давлатларга қуйидаги бож ставкаларини жорий қилмоқчи эканлигини маълум қилган:

—Тунис, Малайзия ва Қозоғистон учун 25 фоиз;

— Жанубий Африка Республикаси, Босния ва Герсеговина учун 30 фоиз;

— Индонезия учун 32 фоиз;

— Сербия ва Бангладеш учун 35 фоиз;

— Камбоджа ва Таиланд учун 36 фоиз;

— Лаос ва Мянма учун 40 фоиз.

Reuters’га кўра, янги божлар 1 августдан кучга киради.

• АҚШ
• Davlat boji
• Импорт
• Трамп