Ижтимоий тармоқларда авторақамларга исм ёзиб сотиш бошланди мазмунидаги хабарлар тарқалмоқда. Бу хабарлар қанчалик ҳақиқатга яқин?!

Ўзбекистон миллий ахборот агентлиги(УзА) бош директорининг биринчи ўринбосари, ҳуқуқшунос ва блогер Хушнуд Худойбердиев расмий канали орқали бу ҳақда маълумот бериб ўтди:

“Исмларни давлат рақами сифатида сотиш бошланибди, деган видео тарқалмоқда. Бу хабар ёлғон. Катта эҳтимол билан, бу видео шунчаки ҳазил тариқасида олинган холос.

Ҳукумат қарорига кўра, ушбу тизим 2026 йил 1 январдан бошланади. Бундан ташқари 2026 йил 1 октябрдан бошлаб avtoraqam.uzex.uz сайти орқали авторақамлар аукциони тўхтатилади.

Рақамларни танлаш ва сотиб олиш Йўл ҳаракати хавфсизлиги хизматининг(ГАИ) расмий сайти ва мобил иловасида, ягона порталда(my.gov.uz) ҳамда ҳудудий ГАИ бошқармаларида ўрнатилган инфокиоскларда амалга оширилади.

1 январдан бошлаб чиройли рақамларни сотиб олишнинг ҳам мутлақо янги ва кўпчиликка ёқадиган(арзон ва қулай) тизими ишга тушади, бу ҳақда тез орада батафсил видеода тушунтиришга ҳаракат қиламан” - деб ёзади блогер ўз саҳифаси орқали.

• Авто
• Автомобил
• Avtomobil uchun shartnoma
• Avtotransport